பிடிக்கவில்லை

பிடிக்கவில்லை

என் அம்மாவின் அன்பு பிடிக்கும்
அப்பாவின் கண்டிப்பும் பிடிக்கும்
அண்ணாக்களின் அரவணைப்பு பிடிக்கும்
கண்ணதாசனின் கவிதைகள் பிடிக்கும்

மல்லிகையின் நறுமணம் பிடிக்கும்
நண்பியின் குறுநகையும் பிடிக்கும்
வெண்ணிலவின் ஒளியதுவும் பிடிக்கும்
வெட்டவெளியில் தனியாக நடக்க பிடிக்கும்

மெல்லென தூறும் மழை பிடிக்கும்
சில்லென வீசும் தென்றலும் பிடிக்கும்
செல்லமாக வளர்க்கும் கிளியும் பிடிக்கும்
சோகமான பாடல்கள் பிடிக்கும்

சொந்தக் குரலதுவும் பிடிக்கும்
மழலைகளின் மொழியும் பிடிக்கும்
கலைகள் சிலைகளும் பிடிக்கும்
சின்னதாக சிரிக்க பிடிக்கும்

வண்னத்துப்பூச்சி பிடிக்கும்
நண்பனின் அறிவுரை பிடிக்கும்
மரங்களின் அசைவும் பிடிக்கும்
கடல் அலையதுகூட பிடிக்கும்

மென்மையாக பேசவும் பிடிக்கும்
இன்னும் எத்தனையோ பிடித்த எனக்கு
என்னையே சுற்றி சுற்றி வரும்
உன்னை ஏன் பிடிக்கவில்லை..?

என்னைச் சுற்றும் பருந்தே
பேதை எனை சிலநாள்
தேடி வராமல் இரு...
பிடிக்கும் என்றறிந்தால்
நாடி உனை நான் வருவேன்..